Act 20 | Ndebele | STEP | Kwathi sesiphelile isiyaluyalu, uPawuli wabizela kuye abafundi , ese ba gonile , waphuma ukuthi aye eMakedoniya .

1 Kwathi sesiphelile isiyaluyalu, uPawuli wabizela kuye abafundi ^a, esebagonile ^b, waphuma ^c ukuthi aye eMakedoniya ^d. 2 Kwathi esedabule lezongxenye, esebakhuthazile ngamazwi amanengi, wafika eGirisi, 3 kwathi esehlale khona inyanga ezintathu, selenziwe iqhinga ngaye ^e ngamaJuda esezasuka ngomkhumbi ukuya eSiriya ^f, wazimisela ukubuyela adabule eMakedoniya ^g. 4 Wasemphelekezela kwaze kwaba seAsiya uSopatheri ^h weBeriya ⁱ; lowamaThesalonika ^j, uAristako loSekhundu ^k, loGayusi ^l weDerbe ^m, loTimothi ⁿ; lamaAsiya ^o, uTikiko ^p loTrofimu ^q. 5 Laba sebehambe phambili basilindela ^r eTrowasi ^s. 6 Kodwa thina sasuka ngomkhumbi eFiliphi ^t emva kwensuku zesinkwa esingelamvubelo ^u, safika kubo eTrowasi ngensuku ezinhlanu, lapho esahlala khona insuku eziyisikhombisa ^v.

UPawuli uvusa uYutikusi ekufeni

7 Kwathi ngosuku lokuqala lweviki ^w, abafundi bebuthene ^x ukuhlephula isinkwa ^y, uPawuli watshumayela kubo, elungele ukusuka kusisa, waseselula ilizwi kwaze kwaba phakathi kobusuku. 8 Njalo kwakukhona izibane ezinengi ^z endlini ephezulu ababebuthene kiyo ^aa. 9 Kwakuhlezi ewindini ijaha elithile ngebizo linguYutikusi, elajunywa yibuthongo obukhulu ^ab, uPawuli esetshumayele isikhathi eside, selehlulwe yibuthongo lawela phansi lisuka esitezi sesithathu ^ac, laselidojwa lifile. 10 Kodwa uPawuli wehla waziphosela phezu kwalo ^ad, elisingatha wathi: Lingakhathazeki; ngoba umphefumulo walo ukhona kilo ^ae. 11 Esenyukile njalo esehlephule isinkwa wadla ^af, wakhuluma labo isikhathi eside kwaze kwasa, ngokunjalo wahamba. 12 Basebemletha umfana ephila, basebeduduzwa hatshi lakancane.

UPawuli eMilethu; uvalelisa abeEfesu

13 Kodwa thina, sesihambe phambili ukuya emkhunjini, sasuka ngomkhumbi saya eAsosi, lapho siqonde ukumkhweza uPawuli; ngoba wayemisile ngokunjalo, yena ebezahamba ngenyawo. 14 Njalo esehlangene lathi eAsosi, samkhweza safika eMithilene, 15 sasuka lapho ngomkhumbi, kusisa safika maqondana leKiyosi; langomhlomunye sasondela eSamosi; sasesihlala eTrogiliumu, ngolulandelayo ^ag safika eMilethu ^ah. 16 Ngoba uPawuli wayezimisele ukuyiceza iEfesu ngomkhumbi ^ai, ukuze angalibali eAsiya; ngoba wayephanga, nxa kwakungenzeka kuye, ukuba seJerusalema ^aj ngosuku lwePentekoste* ^ak.

17 Kwathi eseMilethu wathumela eEfesu wabizela kuye abadala bebandla ^al. 18 Kwathi sebefikile kuye, wathi kubo: Liyazi lina, ukuthi kusukela osukwini lokuqala lokufika kwami eAsiya ^am, ngangihlezi njani isikhathi sonke phakathi kwenu, 19 ngakhonza iNkosi ngokuthobeka konke langezinyembezi ezinengi langezilingo ezangehlela ngamaqhinga amaJuda ^an; 20 ukuthi angigodlanga lutho ngayo olusizayo ^ao, ukungatshumayeli kini lokungalifundisi obala, lakuzindlu ngezindlu ^ap, 21 ngifakaza kumaJuda kanye lakumaGriki ^aq ukuphendukela kuNkulunkulu ^{ar
,} ^as, lokholo ngakuyo iNkosi yethu uJesu Kristu ^at. 22 Lakhathesi khangelani, mina ngiya eJerusalema ngibotshwe nguMoya, ngingakwazi okuzangehlela phakathi kwayo, 23 ngaphandle kokuthi uMoya oyiNgcwele uyafakaza emizini yonke ^au esithi izibopho lezinhlupheko zingilindele ^av. 24 Kodwa angikhathaleli lutho lwalezizinto ^aw, lempilo yami angiyenzi into eligugu kimi ^ax, ukuze ngiphelelise uhambo lwami ngentokozo ^ay, lenkonzo engayemukela ^az eNkosini uJesu ^ba, eyokufakaza ivangeli elomusa kaNkulunkulu ^bb. 25 Njalo khathesi khangelani, mina ngiyazi ukuthi kalisayikubona ubuso bami lina lonke ^bc, engihamba phakathi kwenu ngitshumayela umbuso kaNkulunkulu ^bd. 26 Ngakho ngiyafakaza kini ngalolusuku lwalamuhla, ukuthi mina ngimsulwa egazini labo bonke ^be; 27 ngoba kangigodlanga ukuthi ngilitshumayeze ^bf lonke icebo likaNkulunkulu ^bg. 28 Ziqapheleni-ke lina ^bh lomhlambi wonke ^bi, alibeke phakathi kwawo uMoya oyiNgcwele ukuthi libe ngababonisi ^bj, bokwelusa ibandla likaNkulunkulu ^bk, azithengele lona ^bl ngegazi lakhe uqobo ^bm. 29 Ngoba mina ngiyazi lokhu, ukuthi emva kokuhamba kwami kuzangena impisi eziphangayo phakathi kwenu, zingawuyekeli umhlambi ^bn; 30 laphakathi kwenu ngokwenu kuzavela amadoda ^bo ekhuluma izinto eziduhisayo ^bp, ukuhugela abafundi ngemva kwawo ^bq. 31 Ngakho lindani ^br, likhumbule ukuthi okweminyaka emithathu ebusuku lemini kangimanga ukuleluleka omunye lomunye ngenyembezi ^bs. 32 Lakhathesi, bazalwane, ngilinikela kuNkulunkulu ^bt laselizwini lomusa wakhe ^bu, elilamandla okulakha ^bv, lokulipha ilifa phakathi kwabo bonke abangcwelisiweyo ^bw. 33 Kangihawukelanga isiliva ^bx kumbe igolide loba isembatho somuntu ^by. 34 Lina-ke uqobo lwenu liyazi ukuthi lezizandla zasebenzela inswelo zami ^bz lezalabo ababelami ^ca. 35 Kukho konke ngilitshengisile, ukuthi kumele ukuthi sisize ababuthakathaka ^cb sisebenza ngokunjalo ^cc, sikhumbule amazwi eNkosi uJesu, ukuthi yena wathi: Kubusisekile kakhulu ukupha kulokwemukela. 36 Njalo esetshilo lezizinto, waguqa ngamadolo akhe, wakhuleka labo bonke ^cd. 37 Kwaba khona ukukhala inyembezi kakhulu kwabo bonke; basebewela entanyeni kaPawuli bamanga ^ce, 38 belosizi kakhulu ngelizwi alitshoyo ^cf, elokuthi kabasayikubona ubuso bakhe. Basebemphelekezela baya laye emkhunjini ^cg.